ಪೀಳಿಗೆಯ ಅಂತರ (ಜನರೇಶನ್ ಗ್ಯಾಪ್)

ಪೀಳಿಗೆಯ ಅಂತರ (ಜನರೇಶನ್ ಗ್ಯಾಪ್)
 

ಹುಟ್ಟಿ ಬೆಳೆವಾಗ ಇರುವ ಅಪ್ಪ ಅಮ್ಮನ ಪ್ರೀತಿಯ ಹಿತ
ಹುಟ್ಟಿ ಬೆಳೆದಾಗ ಬಂದನವೆನಿಸುವುದು ಏಕೆ ?

ಜೊತೆಯಾಗಿ ಆಡಿ ತಿಂದು ಒಂದೆ ಹಾಸಿಗೆಯಲ್ಲಿ ಮಲಗಿ
ಪ್ರೀತಿಯಲ್ಲಿ ಬೆಳೆದ ಅಣ್ಣ ತಮ್ಮರು ಕೊನೆಯಲ್ಲಿ ದಾಯದಿಗಳು ಏಕೆ ?

ಪ್ರೀತಿಯಲೆ ಸಾಕಿ ಸಲಹಿ ಬೆಳೆಸಿದ ತಂದೆ ತಾಯಿಯರು
ಮದುವೆ ಸಂಸಾರ ಬೆಳೆದೊಡೆ ಮಕ್ಕಳಿಗೆ ಬಾರವಾಗುವುದು ಏಕೆ ?

ಹುಟ್ಟುವಾಗಲೆ ಬೀಜರೂಪದಿ ಹುಟ್ಟಿ
ಮನುಜನ ಮನವೆಂಬ ತಿಪ್ಪೆಯಲಿ ಬೆಳೆವ
ಸ್ವಾರ್ಥರೂಪದ ಅಣಬೆಗೆ
ಅಧುನಿಕರು ಕೊಡುವ ಹೆಸರು ’ಪೀಳಿಗೆಯ ಅಂತರ’